शिक्षालाई राजनीतिबाट पूर्ण मुक्त गर्नुपर्छ : शिक्षा मन्त्री महाविर पुन

“शिक्षालाई राजनीतिबाट पूर्ण मुक्त गर्नुपर्छ : शिक्षा मन्त्री महाविर पुन”

राजनीतिक हस्तक्षेपका कारण शिक्षा प्रणाली कमजोर भएको मन्त्री पुनको दाबी, निष्पक्ष वातावरणमै गुणस्तरीय शिक्षा सम्भव

एउटा कार्यक्रममा बोल्दै शिक्षा, विज्ञान तथा प्रविधि मन्त्री महाविर पुनले नेपालको शिक्षा प्रणालीलाई सुधार गर्न राजनीतिक हस्तक्षेप पूर्ण रुपमा अन्त्य गर्नुपर्ने बताएका छन्। उनले शिक्षामा राजनीति हावी भएकै कारण आज देशको शैक्षिक संरचना लथालिङ्ग अवस्थामा पुगेको आरोप लगाए।

मन्त्री पुनले शिक्षालाई राजनीतिक प्रयोगशाला बनाइएको भन्दै आगामी शैक्षिक सुधारको पहिलो कदम नै “शिक्षालाई राजनीतिबाट पूर्ण रुपमा मुक्त बनाउने” हुनुपर्ने जोर दिए। उनका अनुसार विद्यालय, क्याम्पसदेखि शिक्षण पेशासम्म राजनीति प्रवेश गर्दा शैक्षिक अनुशासन, गुणस्तर र परिणाममा ठूलो गिरावट आएको छ।

“जहाँ राजनीति घुसेको छ, त्यहाँको शैक्षिक वातावरण बिग्रिएको छ,” मन्त्री पुनले भने, “तर राजनीति नघुसेका विद्यालयहरूले शिक्षामा उत्कृष्ट उदाहरण प्रस्तुत गरेको मैले आफैं देखेको छु।” यसले प्रमाणित गर्छ कि शिक्षामा निष्पक्ष र पेशागत वातावरण भए मात्र गुणस्तरीय नतिजा सम्भव छ।

उनले शिक्षालाई राजनीतिक प्रभावबाट मुक्त गर्दै योग्यता, निष्ठा र नया प्रणाली विकास गर्ने योजनामा सरकार गम्भीर रहेको बताए। मन्त्री पुनका भनाइले शिक्षामा सुधारका लागि ‘राजनीति हटाऊ, गुणस्तर बढाऊ’ भन्ने बहस फेरि बलियो बनेको छ।